गजल : मेरी प्रीयाको

छाती भित्र गड्यो मुस्कान मेरी प्रीयाको
मलाइ देख्दा बड्यो मुस्कान मेरी प्रीयाको

ओठ टोकी इसारामै आँखा झिमिक पारिदिदा
ओठै माथी चड्यो मुस्कान मेरी प्रीयाको ।

जब खुल्यो किताब त्यो  जसमा मेरो नम्बर थ्यो
किताबैले पढ्यो मुस्कान मेरी प्रीयाको ।

लाजका खित्का जब फुस्क्यो माइकमा तिम्रै नाम लिँदा
बल्ल तल्ल अड्यो मुस्कान मेरी प्रीयाको ।

अन्तिम शेर :

अघि बढी प्रस्ताव पहिले कस्ले राख्ने द्विविधा भो
द्विविधा मै सड्यो मुस्कान मेरी प्रीयाको ।